咳出血??

自從尋日睇咗中醫食咗藥後開始不停咳,
仲有好多濃痰帶血.....

莫非我患咗肺癆

?咳出血?

太恐怖喇!

今朝再去飲藥,捉住醫生猛問,佢話應該係我之前d感冒未清,
谷住谷住,加上聲帶發炎充血,所以先至咳到有血.......

今日把聲開番d,於是一邊咳一邊用好微弱既聲音同學生講野.當然亦無鬧人喇!

不過如果響我病緊既期間,邊個唔聽話激親我,之後佢將會.......

唉!真係從未如此"溫柔"過!

我真係唔明,我朝朝做運動,又食得好有營養(仲可能過盛添!),點解仲成日病?

唔知關唔關我地間屋太潮濕? 事關老公又係成日病,唔通要開住抽濕機瞓?

病魔纏身

我失聲了!

昨天同個大女補補吓習,把聲突然開始變"牛",短短三數十分鐘突然急轉直下,無哂聲!! 而且仲全身骨痛,我知道我一定係又感冒了!

夜晚又咳又多濃痰,我覺得自己就快死喇!

唉!上個月底一病就成個禮拜,依家又...最慘係仲有幾個學生考緊試,啞咗點開工?

今朝趕去睇中醫,想快d開聲.....但係最後都要cancel三堂,因為真係"有口難言".
希望快d好番喇!聽日再"走堂",真係唔掂呀!

唉!我成日都做運動,心地又好又做善事,點解病魔仲唔肯放過我?

仲有,病咗又要食得清淡d,我好想食壽司呀!