心情跌到....谷底

真係好唔開心呀!

因為斷斷續續病咗太耐,早兩日學生阿媽介紹咗另一個中醫俾我.
個中醫勁貴同埋好鬼惡同吋,
本來諗住可以好番貴d都無計! 但係咁啱呢兩日食緊中藥,身體又出現一d異樣,

唔戒口? 抵死!

講出來一定俾人話

"抵死"! 尋晚見全日都無咳,諗住自己已經好番哂,晚飯後睇電視時,

口痕痕又飲蘋果汁又食燉鮮奶,食果陣老公已經鬧我唔戒口!

尋找．．．風水陣

自去年一月底我同老公搬咗黎呢間宿舍後，我就開始不停咁病病病．以前我一年可能會感冒一兩次，依家變成一個月起碼病一次或兩次，唔係感冒就係痰多咳嗽．我肯定自己見中醫多過見我d死黨．
為咗身體好，什麼去濕湯．紅棗茶．冬蟲夏草丸我都食．呢年仲朝早去同公園阿伯一齊做運動，但係．．．依然係病！　前日開始喉嚨唔舒服，尋日上晝已經連吞口水都痛，下晝仲發埋燒，成晚不停出汗．．．今朝雖然退咗燒，但係成個人好倦又口淡淡．最慘又要戒口喎！