．以前我一年可能會感冒一兩次，依家變成一個月起碼病一次或兩次，唔係感冒就係痰多咳嗽．我肯定自己見中醫多過見我d死黨．為咗身體好，什麼去濕湯．紅棗茶．冬蟲夏草丸我都食．呢年仲朝早去同公園阿伯一齊做運動，但係．．．依然係病！
前日開始喉嚨唔舒服，尋日上晝已經連吞口水都痛，下晝仲發埋燒，成晚不停出汗．．．今朝雖然退咗燒，但係成個人好倦又口淡淡．最慘又要戒口喎！我呢d靠把口搵食既，喉嚨唔妥就開唔到工，於是被迫手停口停．個學生媽咪仲要同我講笑：”Miss噹媽，您係咪財多身子弱呀？近來成日病喎！”
好慘呀！唔通我瞓響個病位？我真係要搵蘇師傅擺個風水陣，驅走病魔呀！
天氣唔好嘛!
回覆刪除保重身子喇~~
[版主回覆03/06/2008 19:07:00]多謝關心！天氣一轉個個都病．．．
妹妹好番未呀？
唔~~~風水唔一定得, 但可以試下
回覆刪除你病咁多次, 身體已經弱啦, 所以好易再病
你先要病好先, 再調理身體, 進補一下, 再做多d 運動, 食野要食健康d, 咁先會強壯番
去公園個d 運動唔岩你啦, 你要去跑下步個d 帶氧先得
[版主回覆03/06/2008 19:11:00]我淨係鍾意行山，好怕跑步架！不過我老公已經話一好番就要捉我去跑步喇！
你真係去睇下蘇師傅的專欄啦﹐我覺得唔錯﹗ 不過你係咪犯太歲呀﹖
回覆刪除[版主回覆03/06/2008 19:14:00]我絕對唔迷信，不過都覺得蘇師傅好鬼正！
我諗我係犯咗食神個friend, ”sick神”呀！
天氣差, 時冷時熱.不過如果你新居空氣不好, 都有影響, 試下開多D WINDOW, 而且留意四周的環境有否問題吧. 小心植物, 會影響身體, 可能花粉
回覆刪除[版主回覆03/06/2008 19:17:00]其實我住果度好鬼濕，唔知關唔關事？我已經成日開大個窗，空氣好流通．．．
我以前都唔迷信架, 但有時d野, 唔到你唔信, 擺下風水陣都係好架
回覆刪除[版主回覆03/06/2008 19:20:00]我都係講吓，不過真係.....
係咪財多身子弱呀 ?? 不如派....D....錢等我小導遊帶你去山頂行過"大運"喇 !
回覆刪除[版主回覆03/07/2008 13:53:00]財多??? 破財就真呀! 開唔到工仲要睇醫生兼買補品.........銀行存款九直線下降呀! 仲要.........您幫我買果d基金又蝕錢喎! 老老實實,係咪諗住贊助吓我先?
有心呀~妹妹仲有個尾.....個尾係最難清架!
回覆刪除[版主回覆03/07/2008 13:54:00]同我一樣,感冒好咗但係不停狂咳!
時時病真係好煩架, 乜都要試下!!!!! 不過聽講蘇師傅今年放假......哈哈!
回覆刪除保重身體......