咳出血??

自從尋日睇咗中醫食咗藥後開始不停咳,
仲有好多濃痰帶血.....

莫非我患咗肺癆

?咳出血?

太恐怖喇!

今朝再去飲藥,捉住醫生猛問,佢話應該係我之前d感冒未清,
谷住谷住,加上聲帶發炎充血,所以先至咳到有血.......

今日把聲開番d,於是一邊咳一邊用好微弱既聲音同學生講野.當然亦無鬧人喇!

不過如果響我病緊既期間,邊個唔聽話激親我,之後佢將會.......

唉!真係從未如此"溫柔"過!

我真係唔明,我朝朝做運動,又食得好有營養(仲可能過盛添!),點解仲成日病?

唔知關唔關我地間屋太潮濕? 事關老公又係成日病,唔通要開住抽濕機瞓?

病魔纏身

我失聲了!

昨天同個大女補補吓習,把聲突然開始變"牛",短短三數十分鐘突然急轉直下,無哂聲!! 而且仲全身骨痛,我知道我一定係又感冒了!

夜晚又咳又多濃痰,我覺得自己就快死喇!

唉!上個月底一病就成個禮拜,依家又...最慘係仲有幾個學生考緊試,啞咗點開工?

今朝趕去睇中醫,想快d開聲.....但係最後都要cancel三堂,因為真係"有口難言".
希望快d好番喇!聽日再"走堂",真係唔掂呀!

唉!我成日都做運動,心地又好又做善事,點解病魔仲唔肯放過我?

仲有,病咗又要食得清淡d,我好想食壽司呀!

My friend-章魚先生

我既好拍檔章魚先生

什麼節瓜章魚煲花生湯.蓮藕綠豆章魚湯,全靠佢帶出鮮味.

骨頭硬?!

自從之前整親隻痛腳後

,已經成兩三個月無做過任何運動同瑜珈.可能因為咁,所以瞓得好差兼成日覺得好倦,成條"軟皮蛇"咁...

所以終於響上個禮拜落番公園做保健操.一落去,理所當然咁俾師傅同其他公公婆婆"質問"我 : 點解咁耐唔落去?

我梗係賴隻腳仲痛喇! (當然呢個都係事實,不過最主要係自己懶!)

頭一兩日好唔慣,朝早起身成條"死魚"咁,唔洗照鏡都知自己"臉如死灰"

,而且頭一日做完之後, 隻腳仲有d 痛痛地.不過果晚就好好瞓,之後幾日個人都精神咗, 面色好似都好咗d ,總之人都靚咗.樣樣都好咗喇!

原來運動真係能醫百病(係咪誇左少少呢?)

喪吃Godiva 朱古力

我兩年前曾經參加過 Godiva 整朱古力班, 覺得好好玩.而且超抵!
只係$100 左右,玩完仲可以攞番同等價值的朱古力.即係免費玩. 講真呀, 平日您都唔會無拿拿買成十幾蚊一粒朱古力食喇!