骨頭硬?!

自從之前整親隻痛腳後

,已經成兩三個月無做過任何運動同瑜珈.可能因為咁,所以瞓得好差兼成日覺得好倦,成條"軟皮蛇"咁...

所以終於響上個禮拜落番公園做保健操.一落去,理所當然咁俾師傅同其他公公婆婆"質問"我 : 點解咁耐唔落去?

我梗係賴隻腳仲痛喇! (當然呢個都係事實,不過最主要係自己懶!)

頭一兩日好唔慣,朝早起身成條"死魚"咁,唔洗照鏡都知自己"臉如死灰"

,而且頭一日做完之後, 隻腳仲有d 痛痛地.不過果晚就好好瞓,之後幾日個人都精神咗, 面色好似都好咗d ,總之人都靚咗.樣樣都好咗喇!

原來運動真係能醫百病(係咪誇左少少呢?)

而尋日我就開始第一日做番瑜珈,某d動作已經做唔到

,即使頂硬上,死忍...死忍...死忍, 但係身體已經出賣咗我, 因為我臉上已經不自覺流露出非常痛苦既神情, 而且不停咁流汗...最後張瑜珈墊竟然俾我整濕咗一大撻...Impossible? (此事千真萬確, 有6人做證)

真係慘呀! 兩三個月啫,我竟然攪成咁!!

枉我仲一向自命自己骨格精奇.超高柔軟度...嗚嗚!

近年我個變態瑜珈 Miss 成為係 G奶蔡依林既粉絲

好鬼鍾意玩"人體奧妙展",左拗右拗......佢明知我整親腳, 但仲不斷"迫害"我.....攪到瑜珈本來係relax既事,依家變成burden,好慘呀

最慘就係...今朝我起身,兩邊屁股因為尋日過份"郁動",好痛呀!!!