賠了鹵味又折糕?...........後記

我噹媽份人懵懵地

好多人都知,但係.........估唔到竟然有人"食完唱",將我既懵事擺上blog!!!

便利店慘情事件簿

我以前寫過一篇便利店樣衰事件簿,俾大家

笑我笑到面黃! 唔知呢篇又會唔會令大家.........有d 同情我?!

尋日我個噹仔開始響seven玩大想頭公仔換領活動,我一睇就即刻想換換換! 不過..........除咗雪糕同雜誌,我平時根本唔會響seven買野.點算好?

邊個生日?

呢幾日玩失蹤,係因為小妹剛接咗份"小兼職"(幫補生計呀!

唔係邊有錢成日飲食玩?),小兼職仲未開工,就已經有一大堆

準備功夫要做! 於是我呢兩日都係忙準備工作,再加埋本來既正職,忙忙忙! 做正經野緊要麻!

食名遠播?

尋晚去咗一個長輩既壽宴,食飯既地方係一間連鎖既中式酒樓.因為長輩既囝囝係大廚

(唔係呢間酒樓),所以對食物要求好高!

噹媽抽脂記......慘變獨眼龍!

噹媽變咗獨眼龍呀!

大家唔好怪我懶懶呀! 尋日唔update沖繩既相,因為我"盲"咗一隻眼呀! 我去咗抽脂呀!

Aun前Aun後三分險?

小妹果然係賤骨頭!

呢幾日仍然由早忙到晚,個人好倦但係扎醒咗竟然抖唔番! 今朝六點少爺起身進行返工前既"修身特訓",小妹又扎醒於是起身做吓家務,兼上吓網探探blog友.

忙埋今日既最後衝刺

,

便利店樣衰事件簿

小妹同一般平民百姓一樣,成日俾超市既減價貨吸引, 一見話減價就不斷入貨,所以屋企成日有大量飲品零食即食急凍食物.根據少爺所講,即使戒嚴唔准出街我地都起碼可以頂三五七日.

今日小妹等入場睇戲,見隔離間seven雪條甜筒都做減價(即係$8/9兩件之類),仲有我至愛既菠蘿鳳仙雪條都係做兩件特價! 但係無理由一次食兩支架!於是

無奈放棄無買.
到夜晚收工行返屋企,突然又醒起雪條減價!(少爺話我第二樣無咁好記性! 食既野就最記得!)於是即刻繞路行去屋企附近既便利店.到咗小妹梗係即刻打開雪櫃四圍摷. 依! 點解無做特價既? 於是咀扁扁咁

攞咗兩樣特價野埋去俾錢 (其實屋企仲有好幾支雪條!).但係又覺得好唔忿氣! 於是同收錢員哥哥講....

小妹

:哥哥,點解我響油麻地間seven見到鳳仙雪條同甜筒都做緊減價,您地呢間無既?

收錢員哥哥(停頓咗兩秒): 小姐,我地呢間係OK(Circle K)喎!


小妹:

結果小妹用九秒九既速度,嘟咗八達通之後即刻..........................閃!

開心d去shopping

因為早排身體出現咗少少異樣,所以book咗上星期入院做一個詳細既檢查,尋日d報告終於出哂.結果真係有d唔妥,之後要食一段長少少時間既藥先可以完全好番.

因為自己一向比較神經質,所以前幾日心情真係好激動

(我響醫院幾乎想打我既醫生!),攪到屋企人.朋友仔同學生家長都好擔心我,不過依家已經心情好好多,因為我知道有好多人好錫我麻! 呢個禮拜小妹全面停工好好抖吓.其實真係好唔好意思,因為幾個學生都係呢段時間考試,好彩d家長都好體諒我,唔想我太粗勞,仲幫我搵d食療方法補吓個身體! (嘻嘻!令小妹覺得自己人緣真係唔錯!

心情跌到....谷底

真係好唔開心呀!

因為斷斷續續病咗太耐,早兩日學生阿媽介紹咗另一個中醫俾我.
個中醫勁貴同埋好鬼惡同吋,
本來諗住可以好番貴d都無計! 但係咁啱呢兩日食緊中藥,身體又出現一d異樣,

唔戒口? 抵死!

講出來一定俾人話

"抵死"! 尋晚見全日都無咳,諗住自己已經好番哂,晚飯後睇電視時,

口痕痕又飲蘋果汁又食燉鮮奶,食果陣老公已經鬧我唔戒口!

尋找．．．風水陣

自去年一月底我同老公搬咗黎呢間宿舍後，我就開始不停咁病病病．以前我一年可能會感冒一兩次，依家變成一個月起碼病一次或兩次，唔係感冒就係痰多咳嗽．我肯定自己見中醫多過見我d死黨．
為咗身體好，什麼去濕湯．紅棗茶．冬蟲夏草丸我都食．呢年仲朝早去同公園阿伯一齊做運動，但係．．．依然係病！　前日開始喉嚨唔舒服，尋日上晝已經連吞口水都痛，下晝仲發埋燒，成晚不停出汗．．．今朝雖然退咗燒，但係成個人好倦又口淡淡．最慘又要戒口喎！

我又被感染了!

呢兩日天氣涼了很多,一不小心可能又會"中招"

小妹外表"大大隻",又鍾意著運動服,以前響學校成日俾家誤會我係體育老師

加上我中氣十足,即使唔用咪,

依然可以"聲震"走廊.

所以人人都以為我"力大如牛",係運動健將!其實我除咗玩瑜珈同行山游水外,所有運動都唔掂

 我曾經同老公一齊跑街上山,事前我見佢袋$20響褲袋,我以為佢留番一陣買野食,點知.........佢

話留俾我一陣搭車用! 最氣頂既係,我只係跑咗十分鐘左右就俾佢不幸"言中"...

呢幾年我同d細路成日近距離接觸,佢地既衛生意識極低.成日以為向另一面咳嗽或打噴嚏就唔會"惹"到人(???),結果我被傳染既機會好似log咁倍增.

尋晚我又被感染了

!回家一小時後不停流鼻水,喉嚨分泌多咗好多,我即刻飲咗感冒沖劑然後瞓覺.今朝已經有d骨痛,拿拿聲去睇中醫飲中藥.....

我真係頂唔順要瞓覺喇! 唉! 本來諗住今日大掃除添!