Aun前Aun後三分險?

小妹果然係賤骨頭!

呢幾日仍然由早忙到晚,個人好倦但係扎醒咗竟然抖唔番! 今朝六點少爺起身進行返工前既"修身特訓",小妹又扎醒於是起身做吓家務,兼上吓網探探blog友.

忙埋今日既最後衝刺

,所有學生都考完試喇! 到旅行前仍然要上堂,不過已經輕鬆好多!

早排少爺同我講,佢同事個女響外國放假返來,想搵份補習(做暑期工?),要向我問少少資料. 因為前排我都好忙,於是約咗聽日同佢食lunch傾吓.

尋晚呢位同事既囡囡打手電俾我,我地有以下既對話:
同事囡囡(一開口不停講): "您好呀! 我係XX個囡囡!...............................................想同Auntie您飲茶,請教一吓關於補習既野呀!"

小妹(停頓咗三秒先確定佢口中既Auntie係自己!)"好呀好呀! 咁星期五中午喇! 不過唔洗飲茶喇!...............仲有,您叫我XX得喇! 唔洗叫Auntie!"


同事囡囡: 好呀! 唔飲茶呀? 我諗住您會鍾意飲茶添!(Auntie輩麻!) 咁星期五地鐵見喇! 拜拜Auntie!

收咗線後

小妹忍唔住同少爺發難

:您同事個女,好唔識做呀! 佢知唔知乜野叫做Aun前Aun後三分險呀?!

少爺

:好彩我唔去,唔係容乜易佢叫我Uncle呀!

後記:

結婚幾年,我仍然覺得人地叫我乜太係好奇怪既事!而且,我知道少爺以後一定成日會叫我做......................................肥Auntie呀!