便利店慘情事件簿

我以前寫過一篇便利店樣衰事件簿,俾大家

笑我笑到面黃! 唔知呢篇又會唔會令大家.........有d 同情我?!

尋日我個噹仔開始響seven玩大想頭公仔換領活動,我一睇就即刻想換換換! 不過..........除咗雪糕同雜誌,我平時根本唔會響seven買野.點算好?

今晚我收工經過seven,就諗住..........

小妹

: 哥哥,買幾多錢先有印花換野?

店員哥哥(機械人咁款): $20一個印花,$30兩個,$40三個.........五個印花就可以加$10換一個公仔,十個印花就免費.

小妹(好苦惱.......行來行去......自言自語

): 買乜先有五個印花?!

店員哥哥(好熱心咁手指指): 買呢幾樣都有多個印花喎!朱古力手指都得喎!

小妹(充滿疑問

): 您又知我鍾意食朱古力? 不過佢可能有三聚氰胺喎?!

店員哥哥(無我咁好氣

): 吓!........咁您慢慢睇喇!

於是我一邊

計計計,一邊留意cashier,睇吓有冇"意外收穫"?!

呢個時候,有個中佬買咗六十幾蚊野,而店員哥哥竟然無俾印花佢! 中佬一行出門口......

小妹(忍唔住質問佢

): 點解您唔俾印花佢?

店員哥哥(有少少尷尬

): 佢都冇問我攞!..........我將佢果d俾埋您喇!

小妹(心諗

:發達喇!): 呵呵,佢有幾多個呀?

店員哥哥(無我咁好氣): 一個! (見我咁疑惑,再解釋)佢買煙係唔計架,所以得一個咋!

小妹(想死):

結果我響seven度磨咗20分鐘,終於嚴選幾樣野,用咗$28.9就得到5個印花! (我全部買哂多送一個印花既產品,係咪好醒呢?!)

呢個時間,又有一個中年大叔攞住幾包薯片埋去俾錢......

小妹(扮到好可憐咁

): 哥哥(?),您要唔要印花? 可唔可以俾我?

中年大叔(有人叫佢哥哥

,開心到死): 哦! 有野換呀? 好呀! 俾您喇!

就係咁,我攪咗成大半個鐘,終於儲到10個印花........

店員哥哥: 您加$20換二盒,定係要一盒免費?

小妹(懶有策略

): 我要一盒先,睇吓係乜先決定喇! (其實我最想要噹仔同胖妹呀!)

店員哥哥(攞出兩個箱兼好心提醒): 您慢慢選喇! 最好各選一盒,因為通常成箱都係同一款!

結果............

可憐既我

,加咗$20.......竟然連中兩個大雄呀!

小妹(

幾乎想喊): 點解會咁架?!

店員哥哥(

好同情): 不如您同人換喇!

咪玩喇!

我去邊度搵人換呀?!