賠了鹵味又折糕?...........後記

我噹媽份人懵懵地

好多人都知,但係.........估唔到竟然有人"食完唱",將我既懵事擺上blog!!!

事緣早幾日有位blog友約我食飯,於是我提議星期五晚(尋晚).點知佢話要九點後至得,於是我諗住改期約第日.點知個衰婆

話佢尋晚去學整蛋糕,想約我同我一齊試食!

聽見有得食,為食既我

於是即刻改口話幾夜都出來,仲好厚顏

咁要佢請埋我家少爺一齊食(真係老實不客氣呀!

)

上次見面,呢個衰婆話見我自家製既鹵水汁好似幾正,都想整吓! 於是我應承下次見面整一瓶鹵汁俾佢........我個人咁有信用

,尋日梗係響屋企秘製鹵汁俾佢喇! 仲附送一盒鹵水拼盆俾佢做消夜添! (嘻嘻!

唔好意思白食佢個蛋糕麻!)

等咗成晚,九點幾呢個衰婆整完蛋糕打俾我,竟然話老師叫佢雪幾個鐘先好食.............

吓! 咁我點算呀?!

最後,衰婆揸車來俾我"睇"吓個靚靚蛋糕,然後攞咗我既鹵水拼盆&鹵汁走咗...........

騙案証物1: 噹媽牌鹵水拚盆

我懷住失望

同被騙既心情

返歸........不過咁都未算慘呀! (之後先係戲肉!) 20分鐘後我收到衰婆既電話......

小妹(心諗

:唔通佢咁快食咗個拼盆,打來讚我?!):點呀?!

衰婆(好得戚

): 聽您把聲仲係懵盛盛,肯定唔知喇?!........您個身份證.........乜都俾人知道哂喇!

(忍唔住勁笑)
小妹(茫茫然

): 吓?!

原來,我竟然將自己既銀包連埋鹵水拼盆.鹵汁一齊放入環保袋俾咗衰婆!

果一刻我真係想死!

結果仲要勞煩少爺車我去攞返自己既銀包!

嗚鳴!

我食唔到蛋糕不特止,仲成晚俾少爺恥笑!

最慘既係,我本來唔諗住自爆自己成為"blog界大懵炳"

既事!

點知.................

呢個無良blog友

竟然尋晚即刻響自己既blog度玩踢爆! 仲要影埋相為證!

RP,您唔想我同您絕交

,您即刻送您個homemade cake黎我屋企呀!

騙案物證2: 有得睇冇得食兼懶靚蛋糕

後記: BLOG既影響真係勁!

響我

向blog友 RP發出絕交宣言之後,佢尋日已經乖乖向我送上靚靚蛋糕,呵呵! 仲要係4/5個蛋添(佢自己食咗好少咋!)

RP,多謝您既好味蛋糕呀! 當然,我唔會

講大話呃您: "您個蛋糕真係正到無得頂! 係我食過最好味既蛋糕呀!"

不過您第一次整,已經好好味喇! 再加埋您既心意,我完全收到! 多謝哂呀! (仲有您果晚送俾我既禮物,不過您太睇得起我,我已經好耐無著中碼衫,我諗............

起碼要減5磅先著得落呀!

我會努力喇!)