開心d去shopping

因為早排身體出現咗少少異樣,所以book咗上星期入院做一個詳細既檢查,尋日d報告終於出哂.結果真係有d唔妥,之後要食一段長少少時間既藥先可以完全好番.

因為自己一向比較神經質,所以前幾日心情真係好激動

(我響醫院幾乎想打我既醫生!),攪到屋企人.朋友仔同學生家長都好擔心我,不過依家已經心情好好多,因為我知道有好多人好錫我麻! 呢個禮拜小妹全面停工好好抖吓.其實真係好唔好意思,因為幾個學生都係呢段時間考試,好彩d家長都好體諒我,唔想我太粗勞,仲幫我搵d食療方法補吓個身體! (嘻嘻!令小妹覺得自己人緣真係唔錯!

好喇! 之後唔再講個病,總之我會乖乖食藥,食多d有營養既食物同做運動,心情好先會快d好番!
唔好睇我個樣好精靈

,其實我係個勁失魂既人!

繼早兩個禮拜響小巴跌咗個銀包後(好彩後來俾司機執到所以無損失!),尋日我響少爺架車上車落車去診所既短短五分鐘,竟然又唔見咗部電話,仲要快速俾人熄咗機! 攪到我無端端又要破財!

(唉!其實我已經係 n次唔見銀包同電話,身份證都補領過 3次!)

結果買咗個盲人"特"字電話,再加個日本柑橘噹噹!

一直想買部香薰空氣淨化機,尋日響女人街見到部冒牌貨,我唔想攪到屋企火燭所以都係買部正貨.
今日自己一個人去睇戲同shopping,終於俾我響永安買到喇! 尤加利幾香喇!仲可以舒緩呼吸道問題添!

呢幾日多謝大家既關心呀! 我會好好照顧自己喇!