邊個生日?

呢幾日玩失蹤,係因為小妹剛接咗份"小兼職"(幫補生計呀!

唔係邊有錢成日飲食玩?),小兼職仲未開工,就已經有一大堆

準備功夫要做! 於是我呢兩日都係忙準備工作,再加埋本來既正職,忙忙忙! 做正經野緊要麻!

忙再加上懵,我竟然

連結婚周年都唔記得! (不過少爺只係比我

"早幾個鐘"記得"?!)

其實我同少爺既大日子係好易記既,因為同我既生日只係差三兩日..........

結婚周年前一晚.......

少爺: 聽晚我唔返來食飯,我去剪髮呀!

小妹(偷笑

): 哦! (心諗: 煮少餐既可以打斧頭,又可以做少d野,有著數!)

第二日中午,我同少爺通電話.......

少爺(問完又問): 您今日收幾點呀? 響邊度收工呀?

小妹(有d唔耐煩

): 咪收九點幾囉! 您又話唔返來食飯?! 我無買餸煮野喎!

少爺(停咗10秒

): 係呀! 我唔返來食呀! 問吓您之麻!

幾個鐘之後我搭地鐵去開工時,無聊睇吓新聞簡報.見到上面個日子,9月XX日,咁熟既?

邊個生日? 諗咗成分鐘.......哎呀!

原來係我地既結婚周年?!

結果,我樣衰衰

咁打俾少爺........

小妹

: 您頭先打俾我問我,係咪.........

少爺: 哼! 您記得喇?! (扮哂野!

其實自己都係剛醒起!)

於是,為咗表示我既歉意,我請咗少爺食牛腩撈麵做晚餐呀! 呵呵!

咪話我"縮骨"呀! 成十點先收工,仲邊有好野食啫!